سالار کوشار
آقای "سالار کوشار" (به کُردی: سالار کۆشار)، شاعر کُرد، زادهی ۱۹ ژوئیهی ۱۹۷۸ میلادی در اربیل است.
سالار کوشار
آقای "سالار کوشار" (به کُردی: سالار کۆشار)، شاعر کُرد، زادهی ۱۹ ژوئیهی ۱۹۷۸ میلادی در اربیل است.
─━⊰═•••❃❀❃•••═⊱━─
(۱)
[من کردستانم!]
از یک دستم خون میچکد و
از دست دیگرم خونابه و چرک
سرم کورهی سوزان شجاعت و
چشمانم تاریخ ملتی نیرومند است
من گهوارهی تمدن و
فریاد بیپایان انسانیتام!
بدخواهان بدانند،
من فناناپذیرم،
زیرا من کردستانم...
(۲)
[غروبی مستانه]
لبخندش را
چون آخرین پیک شراب
در غروبی دلنشین به من بخشید
آن معشوقهی طناز
با یک نگاه و لبخندش
تمام غروبهای مرا مستانه کرد.
نگارش و ترجمه:
#زانا_کوردستانی
┄┅═✧❁💠❁✧═┅┄
ماموستا "سالار کۆشار"، شاعیریکی هاوچەرخی کوردە کە لە رۆژی ۱۹ مانگی ڕەزبەری ۱۹۷۸ زایەنی لە هەوڵیری باکووری کوردستانە لە دایک بوو.
─━⊰═•••❃❀❃•••═⊱━─
(۱)
[جەنگ]
لەنێوان بەرد و ئاسندا،
گڕێژنەی ئاگرێکی چڕ هەیە،
لەو نێوانە سووتان ڕاستگۆترینە،
ناڵەیەک،
سوێی ئەو سووتانە
وەک ئاوازێک گۆ دەکا!!
تەمەن،
ڕووبارێکی سەرە ڕۆیەو
بەدوای مەحاڵێکدا گەڕۆکە
ئاوێک بەو ئاگرە دابکاو
هەناسەیەک بەو جەنگە تاقەتپڕوکێنەی
ژیان بدا...!!!
(۲)
ڕژامە نێو ساتەوەختی
ئێوارەیەکی زستان
ئەو خۆی تەڕتەڕکرد بو لەمندا
وەرزێک لێوەکانی سوور، سوور
هەڵگەڕابون
لەحەژمەتی نمەیەکی لەناکاو
چرۆی نەمامێک هەرزوو پەیامی
بەهارێکی بە گوێی سرووشتدا
چرپاند
بزە بریندارەکانمان
چۆن بشارینەوە!
خەمێک، دەمێکە لەناومندا
ئاڵۆزکاوە
ئۆقرەناگرێ، دانامرکێ و
سوێی ناشکێ، تا نەمکاتەخورپەی
شادییەکی بێ سەروشوێن
چێشتەنگاوبو،
ڕۆژ تەواو خەو بەریدابو
لێ ئەو هێشتا پێڵوەکانی خوماربون
سوێی ژووانێکی درێژ بەرینەدابو
لەگەڵ ماچی تەڕی من
وەک هەناری ئاودار بزەی گرتبو
وەک هەرمێی تازەپێگەیشتو، گۆپکەکانی
خوناوەی لێوێکی تینوی پێوەبو
سەیربو ئەم چێشتەنگاوە
حەسرەتی تەمەنێک ناسۆری
بەباوەشێک ورشەی خۆرەوە
باوەشی پڕکردم لەشکانی تاسە
سەرە پەنجەکانم هەنگونیاگرتبو
لەسەربەفری یەک شەوە
شتانێکیان دەنوسیەوە
مێژوو، ئەبڵەق بەدیاریەوە
دۆشدامابو
ئەم چێشتەنگاوە تامم شکا
بەبەرچاوی تاووساوەوە
دەستم لەگەردەنی ڕۆژ وەرێنا
(۳)
[من کوردستانم]
دەستێکم خوێنی لێدەچۆڕێ
دەستەکەی دیکەم
خوێنی پیسی تێزاوە
سەرم کورەی مەشخەڵانی نەبەردییە
چاوەکانم دیرۆکی گەلێک دەگێڕنەوە
من لانکەی شارستانیەت و
نوای سەرەتای مرۆبونم
دوژمنانم بزانن من نامرم
من کوردستانم
(۴)
[خۆڵەمێش]
من وتۆ
وەک خۆڵەمێشی کزربۆوەین
کەس پەی بە نێڵەی
پۆلوی ناخمان نابا و
ڕووکەش سەرنجی سووتی شێوەمان ئەدەن
لێ هەر کە شنەی سەبای
سەرکەش هەڵدەکاتەوە
ئیدی گەش گەش دەبینەوە
دەبینەوە بەگڕ و
ئاگرێکی گەنج، گەنج
بۆ بون
بۆ سەرماوسۆڵەی ژیان
هەڵدەکەینەوە!!
(۵)
[پێش ئاوابوون]
دوو چای گەرم
دوو دەستی تامەزرۆ
دوو هزری متوو
دوو چاوی پڕ شەرم.
ئێوارەیەک، سەر ڕێژ لەئەوین
چەند تاڵەتیشکێکی مەکرباز
چیرۆکی دوو نیگای عاشقیان
لەدووا پرشنگەخۆری
پێش ئاوابووندا
نوسییەوە
بەسەمای هەڵم...!
(۶)
[ئێوارەی مەست]
خەندەی لێوی
وەک دوواپێکی ئێوارەیەک
پێدام
ئەو عەییارە
هەر بەیەک نیگا
هەمووئێوارەکانی
لێ مەستکردم
(۷)
[ژووانێکی ترساو]
باوەشم گەرمداهات
لەبەفری عەشقێکی دێرین
لێوم بەرخوناوەی
ماچێکی تەزیوکەوت
ڕاچڵەکیم
دەستم سوێی شکا
لەکەمەری مێژووێکی یاساغ
ئەمڕۆ لەهزرمدا
ژووانێکی ترساو
خۆی تۆمار کرد
(۸)
[شەو]
کە شەو دادێ
تەمەن حیکایەتخوانەو
یادە، وەریوەکانیش پاڵەوانی
ڕۆژە لەدەست چووەکان
ژانە بەسوێیەکانیش
یەکە یەکە دێنەدیارم
بەدەورما وەک بازنەیەک
لێم کۆوەبن
چپەچپو، ووتی ووتیانە
کام پێش کام دێتە گژم
قەتماغەی کامە برین
دەکولێننەوە.!
کەشەو دادێ
دەبمە هەڵم، بەئاسمانا
وەک پەلە هەورێکی سپیلکەڵەی
ژانگرتو بەدەوری خۆم تێرخولدەخۆم
تاسوێم دەشکێ
جارجار لەگەڵ بریسکەی ئەستێرەکان
ژووانی درێژ دەبەستم
هەندێ جاریش، خۆم ئاوێتەی
هەورە بڵندەکان دەکەم
تێر خۆم دەڕێژم
لەگەڵ دڵۆپەکان،
زەوی تەڕتەڕدەکەم
لە چرۆی بون
کە شەو دادێ
دەچمە کڵیشەی خەیاڵێکی تەڕ
وەک باڵندیەکی شەباوێز
بەدڵی خۆم هەڵدەفڕم
چ شوێنێ یاساغە لەوێ هەڵدەنیشم
مەحبوبی دیلم تێر ڕادەمووسم،
دەستبازی هەزرەکاری
لەگەڵدا دەکەم
پێی دەڵێم، ئەمجاریان
ژووان لەگەڵ کازیوەدا دەبەستین
شەو بێوازبو لەحەشاردانمان
کەشەو دادێ
دەبمەوە، بەخۆم
لێ بەخەیاڵ نەک بەجەستە
ساڵانێکە، جەستەو ڕۆحم
دوورن لە یەک
هەرچەند دەکەم، ناگەن بەیەک
لەژووانێکی تەڕ و پاراو
لەگەڵ جیلوەی ئەستێرەی کاکێشان
خەرمانەی مانگی تابان
تا بەیان ئەنگوتن لێک جوێ نەبن
لەترسی نەریت و بۆماوەکان
کەشەو دادێ
من خەونم، خەیاڵم
ڕاستیم، خۆمم، هەورم
ڕۆحم هەڵفڕهەڵفڕ دەگەڕێ
بەدوای خۆیدا
تاتێرنەبێ لەخۆبونی
نایەتەوە نێو جەستەم
کە سەحەر دێ
وەک دیلێکی دەستبەستە
دێتەوە نێو چوارئێسکەکەم
تاجارێکی دی
کە ڕۆژ ئاوادەبێ
(۹)
[مۆسیقاژەنە یاساغەکە]
زستان خۆی لەپەنای پاییزا
حەشاردابوو
پاییز،
سەرەدیقەی لەگەڵ نمەکاندا دەکرد
تا دڵی زستان پڕکا لەهەوروڕێژنەی بەخوڕ
ڕێگاکان بەسترابون
ئێمەش لەناو درەخت و
گەڵا وەریوەکاندا، بەپێدزکە
بەدوای ماچێکی حەڕامدا دەگەڕاین
دەریا دڵی پڕبو لەبێدادی
دۆلفینەکان لەحەژمەتان
بەکۆمەڵ خۆیان بەکەناردا دەکێشا
سەیرە
چی دەگوزەرێ لەم بونە
چ نهێنیەکە ئەم ژیانە
ساڵەکانی تەمەن پڕیەتی
لەئاوازی نەگووتراو
بێواز، سەرەڕۆ، دەجوڵێین
لێ خەندەی ئێوارەیەکی پێش خۆرئاوابون
دیسان متووی چاوەڕوانیەکی
درێژمان دەکاتەوە
دێمەوە ناوەوەی خۆم
مناڵێکی شەرمن هێشتا
لەناو مندا عەجولی دەکا
هەرزەکاری، بەدیارمەوە
دۆشداماوە
بیری سەرکێشیەکانی من دەکا
دەگەڕێمەوە گەنجی و ڕووبەڕووی
ماڵی جیرانەکەمان
دەبمەوە
بەمۆسیقا ژەنە یاساغەکە
هەموو پاش نیوەڕۆیان،
بەمۆسیقا ژووانی درێژ دەبەستم
هەموو گەڕەک گوێی لەمنە
منیش تەنها بۆگوێی ئەو دەژەنم
لێ کە ووشیاردەبمەوە
خەیاڵ منی، زۆر دوور هەڵداوە
سەر و سیمام سپی سپی
کەچی هێشتا کەمانەکەم
هەرلەباوەشە و
مۆسیقاکەم، ئاوازی یاساغ دەژەنێ
بۆ توولەڕێی ژووانی
سەرکێشیەکان
(۱۰)
[نیگای گەرمت]
هەموو ڕۆژێ لەپەیکی شیعرێکا
بەبەردەمی نیگای سەرنجێکتا
تێدەپەڕم،
چەند سرتەیەک، چاوتروکانێک
خۆی ئەدرکێنێ ڕازی ژووانێک
بەربینگی نیگا گەرمەکانت
شیعرێکی دیکەم پێ دەنوسێ
گەردەنی پڕخاڵی شمشاڵت
جارجار، گریە و ناڵەی من
لەجوانی خۆی سەدا ئەکا
ئەمن چیبکەم،
شالووری
گرییە و هاواری تۆ
دیلی و تەنهایی تۆ
لەشیعری من
پڕ بە دەنگ ناڵەدەکا
(۱۱)
[قاوەیەکی تاڵ]
نیگام حەڵقەی زیکری بەست
ئاوێزان، بەدەوری نیگای
ئەو عەییار و پڕمەکرە
پاییز تێر پێکەنی
کەخەندەی ئەوی دیت
بەم ئێوارە زووە
ئای چ ڕازێکی سەرکەشە
تاو وتینی ئەو عەشقە
سەرکێشە
قاوەیەکی تاڵ
لەڕامانی نیگای ئەو
خۆی سارد سارد کردەوە
لێوانی مەست مەست ببوون
بۆ یەکەم فڕ لەڕۆحی من
ئا لەوێ هەستم بەخۆم کرد
لەنێو ئەودا
بومەتە شانەی هەنگ
یا قاوەیەکی تاڵ
لەسەرلێوی شەکەرباری
(۱۲)
[شاخی بڵندوهەوری دڵپڕ]
شاخێکی بڵند بڵند
داوێنی درەختەجاڕێکی
چڕوپڕ
قەدی سوورباو، ڕووت ڕووت
سەروملی، خۆی لەهەورێکی
دڵپڕ، ئاڵاندبو
حەزی لەداکردنبو، بەخوڕ
تەمەنێکبو وەرزێکی لەهەناویاهەڵگرتبو
بروسکەیەک هەنیسکی پێدا
ئاوی زاندە چاوە سوورباوەکانی
داباری، تێر داباری بەڕێژنەی توند
تاخۆی خاڵی خاڵی کردەوە
لەوەرزێکی چاوەڕوان
جۆباری بەست ئاو،
سێڵاو، داروگوڵەکێویلکەکانی لەئامێزگرت
داوێنی شاخ
جێ جێ گۆماوی بەست
ئۆخژنی هات هەوری دڵپڕ
لەپڕ خۆر دەرکەوت
بزەی لێوی، سرووشتی ڕەنگاڵەکرد
دووندوملەی شاخ
سپی سپی دەرکەوت
لەداوێنی وەرزێک چرۆی دەرکرد
(۱۳)
[نەوای ڕۆح]
هزرمان دەریای خەیاڵ و
دڵمان، وەک کۆتری غەریبە
خورپە و هەڵپەی
ئاسمانی فڕینێکی بێ مەودا دەکا!!
مەوداکان نزیک بونەتەوە
تەمەن دەستی لەیەخەی
چاوەڕوانیەکی درێژ بەرنابێ
نیگاکان دەیان چیرۆکییان
تێدا قەتیس ماوەوحەشاردراوە
هەزاران خەونوچکەو
وەنەوزەخەوی تێدا شکاوە
بێ ئاگا لەسرتەو
دزەنیگایەکی لابەلادا
خۆی دە درکێنێ
بەدەوروبەر!
یا لەپیاسەیەکی بەپەلە
لەماچێکی حەڕام
لەبینینێکی دوورلەچاوی عەوام
یا بەپێدزکە لەژووانێکی بەترس
تێرخۆی دەنوێنێ و بەیانی خۆی دەکا،!!
چی لەم هەموو چرپەو سرتە یاساغانە بکەین...
کەدەنگیان نوساوەو ناتوانن
پڕ بەقورگیان، ناڵەیانبێ و
هاواربکەن!
چی لەم هەموو دزەنیگا
بەسوێ و پڕحەسرەتانەبکەین
کەهەموو ووشەی دونیا ناتوانێ
بیخاتە ناو دوو دێڕو
وێنای شیعرێکی پێبکا
ئاخر، خۆسرتەو دزەی نیگا نانوسرێنەوە
لێ کەدێنە نوسین یا دەمی گفتوگۆ
سیحری ئەم هەموو جوانیە
بەدرۆ بەتاڵدەکرێتەوە!
سەیرە،
بەدرۆ دەورە دراوین
درۆ بەباڵای عەشق وجوانی و
خۆبون هەڵدەبڕین...
ئەرێ چرپە و سرتەودزەی نیگاکان
بۆ هێندە ڕاستگۆن؟
لەوێ مرۆ تەواو دەبێتەخۆی
کەچی زمان ئەم هەموودرۆیەی
بۆهەڵدەبەستێ
لێ من خەیاڵو هزرم
هەرلەو ئێوارەیەدا
دەخولێتەوەوخۆشخوانە
کەشەرابی نیگای تۆ
سەری گرتم و قەت بەری نەدا
ئێستاش نەوای ڕۆحم
هەرلەوێ ئەدا ئەکەم...!
گڵاڵە کردنی ئەم بابەتە:
#زانا_کوردستانی
