هوشنگ کرانیان
آقای "هوشنگ کرانیان" شاعر لک‌زبان کرمانشاهی‌ست.
آقای "هوشنگ کرانیان" شاعر لک‌زبان کرمانشاهی‌ست.
◇ نمونه‌ی شعر لکی:
(۱)
خدا برسن یه یار غاری
یه پیاپیولدار قدیمه ژاری
یه کسیکه درد تنگی دیویتی
فقیری وژاری عه گرد بیویتی
هنارسی بو در موقه دادم
به تی شاداکه دل ناشادم
وگپ وگفت ناو بوشی هومدردم
عه دس گرمی بای بگری دس سردم
یک می مه یار بو هومدم هوم رازم
درموقه تنگی بکیشی نازم
برال کسی هس تاسر رفیق بو
ارسرت بوسی چه گن بین چه خو؟
برال پیا ماو رفیقل خاص خاص
کول گفتارلوچیواسکه بوراس؟
یاربی کلک و حیله و نیرنگ
بتی که بوه رفیق هوشنگ
پلپ چه چیژی هوشنگ گرتته
ایله پیا بو اسگه عه دلته؟
نه بزرگوارل عزیزل یار
مه یونمه وتیه بومه تیزه جار
عه کو پیا ماو ایسکه یار غار
تایه وختی تر خدا نگهدار.
(۲)
[لا فاو]
آخر دنیا ور چم گرتمه
لافاو کسو کارو برال بردمه
کول گرفتارن عه جیا جیا
کلنگ تا گوجر عه ژن تا پیا
گرفتاریمو خدا کم نوی
آوردته ملرا تونی خه زوی؟
کم دل مردمو کردیویو کاواو
آوردته ملرا تونی هم لافاو؟
موتمو عه دس ظلم ای زمونه
خدای بلنگ سر دیریم وسمونه
تو هونه بکی بوشیم کی دیریم
ایمه که عه دنیا و مردمی سیریم؟
کارت بی حکمت بی مدا نیه
در درگاه وژت کس گدا نیه
ولی طاقتمو کمو ضعیفیم
که ار ای گپه ایمه حریفیم
لافاو دریونه گن ارن گرتیم
هم عید هم وهار کول عه ویر بردیم
بوری هم وژت دس بگریه ری
هرچه مردم داشت تموم آو برد چی
هه خدا وسه هه خدا هاوار
برگت چیو ایمه تونی بوه داوار
هه خدای بزرگ خدای لا شریک
روژم ظلماته چیو شو ته ریک
بوری تو وژت و دادمو برس
امثال هوشنگ جز تو نیرن کس
عه دس ظلم ظالم هاواره تو مورن
نکه تونی هم نیاته سر اوه ن؟!!!
امید ای آیمل بد بخت بیچاره
خداون دل رحم کلنگ نازاره
خدا بو برس وژت و دادمو
و داد دل همیشه ناشادمو
هوشنگ کار خدا بی حکمت نیه
اژ ای کاره له فره هون بیه
یویژه بلای عه طبیعته
خدا اژنمو شاید شکه ته!!!
(۳)
هه دادم بیداد و ای بد بختیه
و ای بی پیولی وو دس پتیه
و ای گرونی وو هر روژتحریمه
موشیم صبر کن خدا کریمه
خدایا وژت برس عه دادمو
وژت شادا که دل ناشادمو
کول بیل شاد بینو چه باوه چه دا
بمارکتو بو ای شو یلدا.
گردآوری و نگارش:
#زانا_کوردستانی
