ڕێبوار فایەق
ماموستا "ڕێبوار فایەق" شاعیریکی هاوچه‌رخی کورده دانیشتەجی لە باشووری کوردستان.
ماموستا "ڕێبوار فایەق" شاعیریکی هاوچه‌رخی کورده دانیشتەجی لە باشووری کوردستان.
ئایشا لە رۆژی یەکمی مانگی ڕەزبەری ۱۹۷۶ زایەنی لە هەڵەبجە لە دایک بوو.
┄┅═✧❁💠❁✧═┅┄
(۱)
دار و پەردووی ماڵ خڕ دەکەمەوە،
وێنەی تۆ لە ڕۆحدایە-
دەڵێن: سەفەرێک لە پێشە!
(۲)
بیری دایکم دەکەم،
پەنجەی خەناوی نەخشە-
بە ژێر پیاڵەوە!
(۳)
دەبمە پاییز،
سات نا ساتێ گەڵا گەڵا دەوەرێنم -
تا چرۆکانت دەردەخەم!
(۴)
دەبمە زستان،
بەفری سەرم دەبارێنمە
سەر سپێدەی دوو سێوان!
(۵)
دەبمە بەهار،
لە بەر پێتدا دەیخەمڵێنم
خوێنی دڵ و نمی نێو زار!
(۶)
دەبمە هاوین،
گڕ بەردەدەم لە هەناسەت -
بۆ داماڵین!
(۷)
ئەوە منم یاران،
کوڕە شێتەکەی سروشت -
عاشقە مەستەکەی جاران!!
(۸)
وەرە تۆ ببە بە ساڵ،
بە چریکە و نەوای دەنکت -
بشنێمەوە وەکو مناڵ.!!
(۹)
دەفێکی هەڵواسراو
کات تێدەپەڕێت
بێدەنگی خەیاڵ دەیباتەوە.
(۱۰)
ویستم بارانی پاییز بم،
بە ئەسپایی؛
ببارێمە سەر هەناری!
(۱۱)
لە سروەی تۆدا،
چاوم ئەشک دەڕێژێت-
دڵەکوتێمە ئێستا!
(۱۲)
چەند ڕێڕەوێکی بچووک،
ئاو بەهێمنی قوڵپ دەدات -
ورد دەڕوانم.
(۱۳)
دەمخۆنەوە،
بە پێچی سپییەوە -
دووکەڵ!
(۱۴)
هەناسەم سوار،
سێبەرێک دەستم دەگرێت -
شەو پڕە لە پەپوولەی خەیاڵ!
(۱۵)
جاڕێ لە گەلاوێژدا،
جێ پێکانی سەوزدەبێتەوە -
ئاوی چەم!
(۱۶)
لەم ( تەم + وزە) دا
بە گڕەی دووریت
ڕەنگم ڕەشتر دەبێت!
(۱۷)
لێرەیە و بە حۆری دەچێت،
بەیەک نیگا و بزەی ئەو -
دەگەمە بەهەشت!
(۱۸)
وەک تاڵەمویەک قرتام،
بە زەبری هەڵوەرین نا -
بەڵکو لە پێکەنیندا!
(۱۹)
لەم دیو و ئەودیوی کێوەکان دەشتەکانە
پێ بەناو گوڵەکاندا مەنێ،
دەستێ بەرە دڕکەکان و بیانکە ڕێ
پێویست ناکا،
پێڵاوەکانت ئاسن بێ
پێ پەتیبە،ڕێگە بۆنی گوڵی لێ دێ.!
(۲۰)
ئێوارە بە سرتە،
شەو پڕدەکا لە بێدەنگی -
"با" دەچێتەوە ماڵی خۆی!
(۲۱)
وانەم لە داربەڕوو وەرگرت،
سەخت و بەهێز
بەتەمەن و ڕیشەدار!
(۲۲)
ڕێژنەی فرمێسک،
دەمباتەوە ناو خودی خۆم -
دەنگت بروسکەیە بۆ بێداری!
(۲۳)
(سەرنجی ڕێ ئەدەم،
ڕێگا هەموو شێوەی ئەوی تیایە)
لە حورمەتی سورەتی ئەو
دەستم بە دەستنوێژی دایە!
گڵاڵەکردنی ئەم بابەتە:
#زانا_کوردستانی
